ಲೈಂಗಿಕವಾಗಿ ಅನುಭವಸ್ಥಳಾದ ಒಬ್ಬ ವಿವಾಹಿತ ಮಹಿಳೆ ಪ್ರತಿರೋಧ ತೋರದಿದ್ದರೆ, ಆಕೆಯೊಂದಿಗಿನ ಪುರುಷನ ದೈಹಿಕ ಸಂಬಂಧವನ್ನು ಅವಳ ಇಚ್ಛೆಗೆ ವಿರುದ್ಧವೆಂದು ಪರಿಗಣಿಸಲಾಗುವುದಿಲ್ಲ ಎಂದು ಅಲಹಬಾದ್ ಹೈಕೋರ್ಟ್ ಹೇಳಿದೆ.
30 ವರ್ಷದ ವಿಧವೆಯೊಬ್ಬಳು ತನ್ನ 20 ವರ್ಷದ ಪತಿ ಸಹೋದರನ ವಿರುದ್ದ ದೂರು ದಾಖಲಿಸಿದ್ದು, ಆಕೆಯ ಆರೋಪದ ಪ್ರಕಾರ, ಮದುವೆಯಾಗುವುದಾಗಿ ಭರವಸೆ ನೀಡಿ, ಎರಡು ವರ್ಷಗಳ ಕಾಲ ನಿರಂತರವಾಗಿ ಅವಳೊಂದಿಗೆ ಲೈಂಗಿಕ ಸಂಬಂಧ ಹೊಂದಿದ್ದನು. ನಂತರ ಆಕೆ ಗರ್ಭಿಣಿಯಾದಾಗ, ಗರ್ಭಪಾತ ಮಾಡಿಸುವಂತೆ ಒತ್ತಾಯಿಸಿದ್ದಲ್ಲದೇ ನಂತರ ಸಂಪರ್ಕ ಕಡಿದುಕೊಂಡು ಬೆದರಿಕೆ ಹಾಕಿದಾಗ, ಆಕೆ ದೂರು ದಾಖಲಿಸಿದ್ದಳು.
ನ್ಯಾಯಾಲಯವು ಗರ್ಭಧಾರಣೆಯ ಬಗ್ಗೆ ವೈದ್ಯಕೀಯ ಪುರಾವೆಗಳಿಲ್ಲ ಎಂದು ಗಮನಿಸಿದ್ದು ಮತ್ತು ಆಕೆ ಆಂತರಿಕ ವೈದ್ಯಕೀಯ ಪರೀಕ್ಷೆಯನ್ನು ನಿರಾಕರಿಸಿದ್ದಾಳೆ ಎಂದು ಹೈಕೋರ್ಟ್ ಹೇಳಿದೆ. ಆಕೆ ಮೂರು ಮಕ್ಕಳ ತಾಯಿಯಾಗಿದ್ದು, ತನ್ನ ಕ್ರಿಯೆಗಳ ನೈತಿಕ ಪರಿಣಾಮಗಳನ್ನು ಅರ್ಥಮಾಡಿಕೊಳ್ಳುವ ಸಾಮರ್ಥ್ಯ ಹೊಂದಿದ್ದಾಳೆ. ಪ್ರತಿರೋಧವಿಲ್ಲದೆ ಒಬ್ಬ ಅನುಭವಿ ವಯಸ್ಕನು ಒಂದು ಸಂಬಂಧದಲ್ಲಿ ಭಾಗಿಯಾಗುವುದು ಸಮ್ಮತಿಯ ಸೂಚನೆಯಾಗಿದೆ ಎಂದು ಮಾನ್ಯ ಉಚ್ಛ ನ್ಯಾಯಾಲಯವು ಒತ್ತಿಹೇಳಿದೆ.
