ರಾಷ್ಟ್ರೀಯ ಚಿನ್ನದ ಪದಕ ವಿಜೇತ ವಾಫಿ ಅಬ್ದುಲ್ ಹಕೀಂ ಅವರು 5 ನೇ ವಯಸ್ಸಿನಲ್ಲಿ ಬ್ಯಾಕ್ಸ್ಟ್ರೋಕ್ನಿಂದ ಈಜಲು ಪ್ರಾರಂಭಿಸಿದರು ಮತ್ತು ನಂತರ ಎಲ್ಲಾ ಸ್ಟ್ರೋಕ್ಗಳನ್ನು ಕರಗತ ಮಾಡಿಕೊಂಡಿದ್ದಾರೆ. ಪ್ರತಿಯೊಂದರಲ್ಲೂ ಉತ್ತಮ ಸಾಧನೆ ಮಾಡಿದ್ದಾರೆ. ಅವರು ಪ್ರಸ್ತುತ ದಿ ಯೆನೆಪೋಯ ಶಾಲೆಯಲ್ಲಿ ವಿದ್ಯಾರ್ಥಿಯಾಗಿದ್ದಾರೆ.
ವಿದ್ಯಾರ್ಥಿ ವಾಫಿ ಶ್ರೀ ರಾಜೇಶ್ ಮತ್ತು ಶ್ರೀಮತಿ ಯಶೋದಾ ಅವರ ಮಾರ್ಗದರ್ಶನದಲ್ಲಿ ಬೆಳಿಗ್ಗೆ ತರಬೇತಿ ಪಡೆಯುತ್ತಿದ್ದಾರೆ. ಸಾಯಂಕಾಲ, ಅವರು ಜೈಹಿಂದ್ ಸ್ವಿಮ್ಮಿಂಗ್ ಕ್ಲಬ್ನೊಂದಿಗೆ ಮಂಗಳಾ ಸ್ಟೇಡಿಯಂ ಕಾರ್ಪೊರೇಷನ್ ಪೂಲ್ನಲ್ಲಿ ಅಭ್ಯಾಸ ಮಾಡುತ್ತಾರೆ. ಮುಖ್ಯ ತರಬೇತುದಾರ ಶ್ರೀ ರಾಮಕೃಷ್ಣ ಮತ್ತು ಸಹಾಯಕ ಕೋಚ್ ಶ್ರೀ ರಾಜೇಶ್ ಅವರಿಂದ ತರಬೇತಿ ಪಡೆಯುತ್ತಿದ್ದಾರೆ.
ವಿಧ್ಯಾರ್ಥಿ ಅಬ್ದುಲ್ ಹಕೀಂ ವಾಫಿ ಕರ್ನಾಟಕವನ್ನು ವಿವಿಧ ಹಂತಗಳಲ್ಲಿ ಪ್ರತಿನಿಧಿಸಿದ್ದಾರೆ. ರಾಷ್ಟ್ರೀಯ ಪದಕಗಳನ್ನು ಗೆದ್ದ ವಾಫಿ ಅವರು ದಸರಾ ಕ್ರೀಡಾಕೂಟ ಮತ್ತು ಹಲವಾರು ಜಿಲ್ಲೆ, ರಾಜ್ಯ, ಸಿಬಿಎಸ್ಇ ಮತ್ತು ವಲಯ ಮಟ್ಟದ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಅನೇಕ ಪ್ರಶಸ್ತಿಗಳನ್ನು ಗಳಿಸಿದ್ದಾರೆ.
ಇತ್ತೀಚೆಗೆ, ಜುಲೈ 19 ರಿಂದ 21 ರವರೆಗೆ ಅವರು ರಾಜಸ್ಥಾನದಲ್ಲಿ ಅಂಡರ್ ವಾಟರ್ ಈಜು ಅಸೋಸಿಯೇಷನ್ ಭಾರತ (ಯುಎಸ್ಎಐ) ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಅವರು 400, 200, 100 ಮತ್ತು 50 ಮೀಟರ್ ಸ್ಪರ್ಧೆಗಳಲ್ಲಿ 2 ಚಿನ್ನ ಮತ್ತು 2 ಬೆಳ್ಳಿ ಪದಕಗಳನ್ನು ಗೆದ್ದರು. 23 ರಾಜ್ಯಗಳಿಂದ ಭಾಗವಹಿದ ತಂಡದ ವಿರುದ್ಧ ಸ್ಪರ್ಧಿಸಿದ ವಾಫಿ ಕರ್ನಾಟಕದ ಏಕೈಕ ಪ್ರತಿನಿಧಿಯಾಗಿದ್ದರು.
