ಮಾಜಿ ಕ್ರಿಕೆಟಿಗೆ ಸಂಜಯ್ ಬಂಗಾರ್ ಅವರ ಪುತ್ರ ಆರ್ಯನ್ ಬಂಗಾರ್ ಲಿಂಗ ಬದಲಾವಣೆ ಚಿಕಿತ್ಸೆಗೆ ಒಳಗಾಗಿದ್ದು, ತಮ್ಮ ಹೆಸರನ್ನು ಅನಾಯಾ ಎಂದು ಹೆಸರು ಬದಲಾಯಿಸಿಕೊಂಡಿದ್ದಾರೆ. 23 ವರ್ಷ ಪ್ರಾಯದ ಆರ್ಯನ್ ಈ ಬಗ್ಗೆ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುತ್ತಾರೆ. ಭಾರತದ ಮಾಜಿ ನಾಯಕರೊಂದಿಗೆ ಹಾಗೂ ಅವರ ತಂದೆಯೊಂದಿಗೆ ಕೆಲವು ಹಳೆಯ ಚಿತ್ರಗಳನ್ನು ಪೋಸ್ಟ್ ಮಾಡಿ, ಲಿಂಗ ಬದಲಾವಣೆಯ ಥೆರಪಿಯೊಂದಿಗೆ ಹಂಚಿಕೊಂಡಿದ್ದಾರೆ.
ಶಸ್ತ್ರಚಿಕಿತ್ಸೆಯ 10 ತಿಂಗಳ ನಂತರ, ಕ್ರಿಕೆಟಿಗ ತನ್ನನ್ನು ಅನಾಯಾ ಎಂದು ಗುರುತಿಸಿಕೊಂಡಿದ್ದಾಳೆ. ತನ್ನ ತಂದೆಯಂತೆಯೇ ಕ್ರಿಕೆಟಿಗ, ಆರ್ಯನ್ ಎಡಗೈ ಬ್ಯಾಟರ್ ಮತ್ತು ಸ್ಥಳೀಯ ಕ್ಲಬ್ ಕ್ರಿಕೆಟ್ನಲ್ಲಿ ಇಸ್ಲಾಂ ಜಿಮ್ಖಾನಾ ಪರ ಆಡುತ್ತಿದ್ದರು. ಅಲ್ಲದೇ ಲೀಸೆಸ್ಟರ್ಶೈರ್ನ ಹಿಂಕ್ಲೆ ಕ್ರಿಕೆಟ್ ಕ್ಲಬ್ ಅನ್ನು ಪ್ರತಿನಿಧಿಸಿದರು.
ನಾನು ಯಾವುದೇ ಮಟ್ಟ ಅಥವಾ ವರ್ಗದಲ್ಲಿ ನಾನು ಪ್ರೀತಿಸುವ ಕ್ರೀಡೆಯ ಭಾಗವಾಗಲು ಹೆಮ್ಮೆಪಡುತ್ತೇನೆ, ನನ್ನ ಈ ದಾರಿ ಸುಲಭವಿಲ್ಲ, ಆದರೆ ನನ್ನ ನಿಜವಾದ ಆತ್ಮವನ್ನು ಹುಡುಕುವುದು ಎಲ್ಲದಕ್ಕಿಂತ ದೊಡ್ಡ ಗೆಲುವಾಗಿದೆ ಎಂದು ಅನಾಯಾ ಬರೆದುಕೊಂಡಿದ್ದಾರೆ.
ಸದ್ಯ ಅನಯಾ ಮ್ಯಾಂಚೆಸ್ಟರ್ನಲ್ಲಿದ್ದು, ಅಲ್ಲಿನ ಕೌಂಟಿ ಕ್ಲಬ್ ಒಂದರಲ್ಲಿ ಆಡುತ್ತಿದ್ದಾರೆ. ಎಂದು ಅವರ ಇನ್ಸ್ಟಾಗ್ರಾಮ್ ರೀಲ್ನಲ್ಲಿನ ಕ್ಲಿಪ್ ಒಂದರಲ್ಲಿ 145ರನ್ ಗಳಿಸಿದ್ದಾರೆ ಎಂದು ತೋರಿಸುತ್ತದೆ.
